सिमेक्स इंकको प्रष्टीकरण– नियमित तालिका अनुसार सवारी ल्याएका हौँ, अनुचित लाभ लिएका छैनौँ

काठमाडौँ । नेपालका लागि बीवाईडीको आधिकारिक बिक्रेता सिमेक्स इंकले भन्सार जाँचपासको सम्बन्धमा कम्पनीलाई जोडेर गरिएको प्रचारबारे प्रष्टीकरण दिएको छ ।

बिहीबार विज्ञप्ति जारी गर्दै कम्पनीले आफूले नेपाली ग्राहकको माग र विद्युतीय सवारीको बढ्दो आवश्यकता पूरा गर्न नियमित तालिका बमोजिम गाडीको आयात गरेको जनाएको हो ।