नवरात्रको दोस्रो दिन : शक्तिपीठ एवं देवी मन्दिरमा भक्तजनको लर्को

काठमाडौं। दुर्गा पक्षको दोस्रो दिन अर्थात् नवरात्रका अवसरमा देशभरका शक्तिपीठ एवं देवी मन्दिरमा भक्तजनको बिहानैदेखि चाप बढ्न थालेको छ। सामान्य अवस्थामा पनि देवी मन्दिरमा भीड लाग्ने गरेकामा आज दशैंको दोस्रो दिन भएकाले भक्तजनको लर्को लागेको हो।

राजधानीका गुह्येश्वरी, जयबागीश्वरी, मैतीदेवी, कालिकास्थान, नक्साल भगवती, भद्रकाली, शोभाभगवती, विजेश्वरी, इन्द्रायणी, रक्तकाली, श्वेतकाली, दक्षिणकाली, चामुण्डामाई, सुन्दरीमाई, बज्रयोगिनी, बङ्गलामुखी, टोखा चण्डेश्वरीलगायत मन्दिरमा भक्तजनको लाम लागेको छ।