पराजयले रूपान्तरणको संकल्प कमजोर बनाएको छैन : डा. सुनिल शर्मा

काठमाडौं । नेपाली कांग्रेसको १५औँ महाधिवेशनमा महामन्त्री पदमा प्रतिस्पर्धा गरेका डा. सुनिल कुमार शर्माले निर्वाचनमा पराजित भए पनि पार्टी रूपान्तरण र जनसेवाप्रतिको आफ्नो प्रतिबद्धता यथावत् रहेको बताएका छन् ।

महाधिवेशनबाट निर्वाचित पदाधिकारीलाई बधाई दिँदै शर्माले आफूलाई विश्वास गरेर मत दिने देश तथा विदेशबाट आएका प्रतिनिधिप्रति आभार व्यक्त गरेका छन् । सामाजिक सञ्जालमार्फत उनले चुनावी परिणामले आफूलाई थप जिम्मेवार र दृढ भएर अघि बढ्न प्रेरित गरेको उल्लेख गरेका हुन् ।