महामन्त्रीमा हारेपछि डा. सुनिल शर्माले भने- पार्टी रूपान्तरणको अभियान जारी रहनेछ

काठमाडौं- नेपाली कांग्रेसको १५औँ महाधिवेशनमा खुलातर्फ महामन्त्री पदमा पराजित भएपछि डा. सुनिल शर्माले पार्टी रूपान्तरण र जनसेवाको अभियान निरन्तर जारी राख्ने बताएका छन्।

शर्माले आफ्नो उम्मेदवारी कुनै पद प्राप्त गर्ने आकांक्षामा मात्र सीमित नभई कांग्रेसलाई जनमुखी, सेवामुखी, आधुनिक र परिणाममुखी बनाउने सङ्कल्प भएको बताएका छन्। उनले बीपी कोइरालाको विचार, लोकतान्त्रिक मूल्य मान्यता र जनसेवाको आदर्शलाई आत्मसात् गर्दै पार्टी र जनताबीचको सम्बन्ध सुदृढ बनाउने प्रतिबद्धता पनि दोहोर्‍याएका छन्।