प्रस्तावित राजदूत सुनारका विषयमा परराष्ट्र मन्त्रालय र ललितपुर प्रहरीसँग कागजात मगाउने निर्णय

संसदीय सुनुवाइ समितिले साउदीका लागि प्रस्तावित राजदूत गिरिबहादुर सुनारसँग सम्बन्धित उजुरीका दुई विषयमा कागजात मगाउने निर्णय छ । समितिले सुनारमाथि परेका उजुरीका तथ्य केलाउने क्रममा थप कागजात अध्ययन गर्नुपर्ने भन्दै उक्त निर्णय गरेको हो ।

सुनारको नैतिक चरित्रमा प्रश्न उठेका कारण उनी जर्मनी गएका बेलामा जर्मनीले नेपाल नै फर्काइदिएको भन्दै उजुरी परेको थियो । उक्त उजुरीको सम्बन्धमा यथार्थे के हो भन्नेबारे परराष्ट्र मन्त्रालयलाई विवरण माग्ने निर्णय गरेको हो । त्यस्तै विवाहेत्तर सम्बन्धको विषयमा परेको उजुरीबारे ललितपुर प्रहरी कार्यालयलाई आवश्यक कागजात पठाइदिन भनेको हो ।