गोरखाका ३३ वडामा छैनन् सचिव

पञ्जीकरणको कामसमेत गर्नुपर्ने हुँदा स्थायी कर्मचारीलाई मात्र वडा सचिवको कार्यभार जिम्मा दिनुपर्ने सरकारी प्रावधान छ।

गोरखा : तीन महिनाअघि धार्चे गाउँपालिका ६ को वडा सचिवमा तुल सलामी नियुक्ति लिएर आए। दुई महिना नबित्दै उनले अधिकृतमा नाम निकाले। त्यसपछि गाउँपालिकाले काशीगाउँ स्वास्थ्य चौकीमा कार्यरत अहेब सुजिता यादवलाई वडा सचिवको जिम्मेवारी सुम्पियो। बिगत एक महिनादेखि उनी यहाँकी वडा सचिव र अहेबको कार्यभार सम्हाल्दै आएकी छिन्।