वीरगन्जमा कर्फ्यू हटयो, चारवटा नाकामा निषेधाज्ञा जारी

वीरगन्ज । स्थानीय प्रशासनले वीरगन्जमा लगाएको कर्फ्यू हटेको छ । जिल्ला प्रशासन कार्यालय पर्साले आइतबार मध्यान्न १२ बजेसम्मका लागि जारी गरेको कर्फ्यू आदेश लम्ब्याएकामा सोमबार भने कायम नहुने गरी हटाएको छ ।

जिल्ला सुरक्षा समितिको निर्णयअनुसार वीरगन्जको कर्फ्यू मध्यराती १२ बजेदेखि लागू हुनेगरी हटाइएको पर्साका प्रमुख जिल्ला अधिकारी गणेश अर्यालले बताए । उनका अनुसार हाललाइ कर्फ्यू हटाइएको छ, तर केही ठाउँमा निषेधाज्ञा भने लागू गरिएको छ । महानगरपालिको चार वटा क्षेत्रमा निषेधाज्ञा जारी गरिएको प्रजिअ अर्यालले जानकारी दिए ।