आईपीएल : मुम्बईले जितको खडेरी तोड्दा दिल्लीको अपराजित यात्रा भङ्ग

काठमाडौं । इन्डियन प्रिमियर लिग (आईपीएल) क्रिकेटमा मुम्बई इन्डियन्सले जितको खडेरी तोडेको छ । अरुण जेटली स्टेडियममा मुम्बईले दिल्ली क्यापिटल्सविरुद्ध १२ रनको जित निकालेको हो ।

यो सँगै दिल्ली क्यापिटल्सको अपराजित यात्रा भङ्ग भएको छ । दिल्ली यसअघिका चार खेलमा अपराजित थियो । लगातार चार खेल जितेर ८ अंक बटुलेको दिल्लीले पहिलो हार व्यहोरे पनि दोस्रो स्थानमा कायम छ । एक खेल बढी खेलेर समान ८ अंक जोडेको गुजराज टाइटन्स रनरेटका आधारमा शीर्ष स्थानमा छ । हालसम्म खेलेका ६ खेलमा जम्मा दुई जित निकालेको मुम्बई भने चार अंक बटुलेर सातौं स्थानमा उक्लिएको छ ।