बुण्डेस लिगामा शीर्ष स्थानको बायर्न म्युनिखलाई थप अग्रता

काठमाडौं । जर्मन बुण्डेस लिगामा शीर्ष स्थानको बायर्न म्युनिखले अग्रता थप बलियो बनाएको छ । बायर्नले शनिबार राती घरेलु मैदानमा सेन्ट पोलीविरुद्ध ३-२ को संघर्षपूर्र्ण जित निकाल्दै अग्रता बलियो पारेको हो ।

बायर्नका लागि लिरोंय सानेले दुई तथा ह्यारी केनले एक गोल गरे । पाहुना टोली सेन्ट पोलीकातर्फबाट इलियास साद र लार्स रिट्जकाले एक-एक गोल फर्काए । जितसँगै बायर्नको २७ खेलबाट ६५ अंक भएको छ भने दोस्रो स्थानको बायर लिभरकुजेनको ५९ अंक छ । नेस्रो स्थानको फ्र्यान्कफर्टको समान खेलबाट ४८ अंक छ ।