लुम्बिनी र गण्डकी प्रदेशबीच साझा विकासका लागि नौ बुँदे निर्णय

बुटवल — लुम्बिनी र गण्डकी प्रदेश सरकारले एक अर्काबीच सहयोग र सहकार्यका आधारमा विकास निर्माणसँग सम्बन्धित साझा कार्यक्रमलाई प्रभावकारी र उपलब्धिमूलक बनाउन नौ बुँदे निर्णय गरेका छन् ।

सोमबार गण्डकी प्रदेशको समन्वयमा स्याङ्जा गल्याङमा भएको मुख्यमन्त्रीस्तरीय दोस्रो बैठकले साझा सहमति र निर्णय गरेका हुन् । यस अघि लुम्बिनी प्रदेशको समन्वयमा पाल्पाको रानीमहलमा बैठक बसेको थियो ।