म्याग्दीको ताकममा पहिरोले घर पुरिंदा २ जनाको मृत्यु

बेनी : म्याग्दीको धवलागिरी गाउँपालिका–७ ताकममा शुक्रबार बिहान पहिरोले घर पुरिंदा २ जनाको मृत्यु भएको छ । ताकमको आरखोलाका तुलप्रसाद न्यौपानेको घर पुरिएको हो ।

घरभित्र सुतेका घरधनी अन्दाजी ५०/५१ वर्षका तुलप्रसाद र उनकी श्रीमति बालकुमारी न्यौपानेको पहिरोमा पुरिएर मृत्यु भएको ताकम प्रहरी चौकीका प्रहरी सहायक निरीक्षक रमेशप्रसाद अधिकारीले बताए ।