चिकित्सा शिक्षा आयोगमा नेतृत्वविहीनता अन्त्य गर्न डा. केसीको सरकारलाई चेतावनी

काठमाडौँ ।

चिकित्सा शिक्षा आयोग लामो समयदेखि नेतृत्वविहीन हुँदा महत्वपूर्ण कामकारबाही प्रभावित भएको भन्दै प्रा.डा. गोविन्द केसीले सरकारको ध्यानाकर्षण गराएका छन्। बिहीबार जारी प्रेस विज्ञप्तिमार्फत उनले गैर–प्राविधिक व्यक्तिबाट प्राविधिक संस्थाको नेतृत्व गराउँदा गम्भीर संकट उत्पन्न हुने चेतावनी दिएका छन्।