सरकारी अध्ययनकै ठहर– लगानीको वातावरण बिगार्न प्रधानमन्त्री नै प्रमुख जिम्मेवार

सरकारकै एक अध्ययनले मुलुकमा व्यावसायिक लगानीको वातावरण बिगार्न प्रधानमन्त्री नै मुख्य जिम्मेवार रहेको ठहर गरेको छ । रामेश्वर खनाल नेतृत्वको आर्थिक सुधार आयोगले दिएको प्रतिवेदन अध्ययन गर्दा यही निष्कर्षमा पुगिन्छ ।

प्रतिवेदनअनुसार, व्यावसायिक आर्थिक स्वतन्त्रता कुण्ठित गर्ने, व्यवसायको लागत अनावश्यक रूपमा बढाउने काम प्रधानमन्त्रीले नेतृत्व गरेका अड्डाहरुले गरिरहेका छन् ।