नवनियुक्त अर्थमन्त्रीद्वारा आर्थिक विधेयक संशोधन

काठमाडौं । नवनियुक्त उपप्रधान तथा अर्थमन्त्री विष्णुप्रसाद पौडेलले नियुक्तिकै दिन प्रतिनिधिसभाबाट पारित भएको आर्थिक विधेयक २०८१ लाई चुनौती दिँदै राष्ट्रिय सभाबाट संशोधन पेस गर्दै पारित गराएका छन् ।

सोमबार राष्ट्रिय सभा बैठकमा नवनियुक्त उपप्रधान तथा अर्थमन्त्री पौडेलले आर्थिक विधेयक २०८१ को दफा ३६ को उपदफा (६) मा संशोधन प्रस्तुत गरेका हुन् । अर्थमन्त्री पौडेलले सो उपदफामा रहेको ‘तर’ पछि ‘स्टार्टअप, भेन्चर क्यापिटल, प्राइभेट इक्विटी फन्डमा’ भन्ने शब्द थप गरी संशोधन प्रस्ताव राष्ट्रिय सभामा पेस गरेका हुन् ।