धितोबिना शैक्षिक ऋण: नेपाली विद्यार्थीका लागि विदेश अध्ययन सहज

काठमाडौँ । नेपाली विद्यार्थीहरू अब जग्गा–जमिन धितो राख्नुपर्ने बाध्यताबाट मुक्त हुँदै अमेरिका र क्यानडाका प्रतिष्ठित विश्वविद्यालयहरूमा उच्च शिक्षा हासिल गर्न सक्ने भएका छन् । वासिङ्टन डी.सी.स्थित एमपावर फाइनान्सिङले धितो वा अमेरिकामा आधारित जमानी बिना नै अधिकतम एक लाख अमेरिकी डलरसम्म (करिब १ करोड ४४ लाख रुपैयाँ) शैक्षिक ऋण उपलब्ध गराउन थालेपछि अन्तर्राष्ट्रिय शिक्षा अझ सहज बन्दै गएको हो ।

यसअघि बैंकहरूले उच्च मूल्यका सहरी सम्पत्ति धितो माग्दा ग्रामीण पृष्ठभूमिका धेरै प्रतिभाशाली विद्यार्थी विदेश अध्ययनबाट वञ्चित हुने अवस्था थियो । तर एमपावरको विद्यार्थी–केन्द्रित मोडेलले शैक्षिक योग्यता र भविष्यको आम्दानी सम्भावनालाई आधार बनाएर ऋण उपलब्ध गराउँदै आएको छ ।