बाल उपन्यास ‘साइबोर्ग’ सार्वजनिक

भक्तपुर । साहित्यकार जितेन्द्र रसिकको १८औँ कृतिका रूपमा बाल उपन्यास ‘साइबोर्ग’ शुक्रबारदेखि बजारमा आएको छ । विज्ञानको उन्नति र भविष्यमा विज्ञानको प्रभावबारे परिकल्पना गरी लेखिएको उपन्यासले बाल मनोविज्ञानलाई सकारात्मक प्रभाव पार्ने लेखक रसिकले बताए ।

प्रविधिको विकाससँगै आर्टिफिसिलय इन्टेलिजेन्स (एआई)को विकास हुँदै जाँदा भविष्यमा त्यसले मानव समुदायमाथि पार्ने प्रभाव र यसले पार्ने असरका बारेमा उपन्यासमा रोचक ढङ्गले प्रस्तुत गरिएको उनको भनाइ छ । ‘विज्ञानले मानिसलाई सधैँ बाँच्न सक्ने बनाउन सक्छ ?’ भन्ने तर्कलाई प्रस्तुत गरिएको उपन्यासमा बालबालिका र किशोर किशोरीमा कल्पना, जिज्ञासा बढाउन पुस्तक उपयुक्त हुने उपन्यासकार रसिकले बताए ।