प्राइभेट इक्विटी र भेन्चर क्यापिटलको नियमनमा सुधार गर्न बोर्डको सुझाव

नेपालमा निजी तवरबाट हुने सेयर लगानी (प्राइभेट इक्विटी) तथा भेन्चर क्यापिटल क्षेत्रमा लगानीकर्ताको संरक्षण, कोषको पारदर्शिता र जोखिमअनुसारको नियमनमा सुधार गर्नुपर्ने देखिएको छ।

नेपाल धितोपत्र बोर्डले सार्वजनिक गरेको अध्ययन प्रतिवेदनले कोषको वर्गीकरण, सम्पत्तिको मूल्यांकन, शुल्कको पारदर्शिता र लगानीबाट बाहिरिने प्रक्रियालाई व्यवस्थित बनाउन सुझाव दिएको हो।