योग्यता प्रमाणित गरिरहनुपर्ने भए सन् २०२७ को विश्वकप खेल्दिनँ : कोहली

नयाँ दिल्ली । भारतीय क्रिकेट टोलीका स्टार ब्याटर विराट कोहलीले टोलीमा आफ्नो योग्यता प्रमाणित गरिरहनुपर्ने अवस्था आएमा आफू सन् २०२७ को एकदिवसीय विश्वकपमा नदेखिने बताएका छन्।

पूर्व कप्तान कोहलीलाई इतिहासकै महान् एकदिवसीय ब्याटरहरूमध्ये एक मानिन्छ। उनी सन् २०११ मा विश्वकप जित्ने भारतीय टोलीको सदस्य हुनुका साथै गत वर्षको च्याम्पियन्स ट्रफीको सफलतामा पनि मुख्य भूमिकामा थिए।