तनहुँमा जिप दुर्घटना हुँदा एक महिलाको मृत्यु, ६ जना घाइते

काठमाडौं। तनहुँको आँबुखैरेनी गाउँपालिका-६ डुम्रीडाँडामा सोमबार साँझ बोलेरो जिप दुर्घटना हुँदा एक महिलाको मृत्यु भएको छ। दुर्घटनामा अन्य ६ जना घाइते भएका छन्।

जिल्ला प्रहरी कार्यालय तनहुँका अनुसार बरादीबाट हिलेखर्कतर्फ जाँदै गरेको ग २ च ३२६९ नम्बरको जिप उकालो सडकमा ब्याक भई सडकबाट करिब सात मिटर तल नालीमा खसेको थियो।