हेजबुल्लाहसँग २१ दिने युद्धविरामको अन्तराष्ट्रिय आह्वान इजरायलद्वारा अस्वीकार

तेल अवीव । इजरायलले हेजबुल्लाहसँग २१ दिने युद्धविरामको अन्तराष्ट्रिय आह्वान अस्वीकार गरेको अल जजिराले जनाएको छ। इजरायल र लेबनानबीच बढ्दो तनावको समयमा संयुक्त राज्य अमेरिकाले इजरायल–लेबनान सीमामा युद्धको वृद्धि रोक्न साथै लेबनान र गाजामा कूटनीतिलाई मौका दिन २१ दिनको युद्धविरामको आह्वान गरेको हो ।

यस योजनाका लागि अमेरिकी रक्षा सचिव लोयड जे अस्टिन, बेलायती रक्षा सचिव जोन हेली र अष्ट्रेलियाका रक्षा मन्त्री रिचर्ड मार्ल्स आफ्नो समर्थन व्यक्त गर्नुभएको पेन्टागनले एक प्रेस विज्ञप्तीमा जनाएको छ । 'लेबनान र उत्तरी इजरायलको अवस्था निकै चिन्ताजनक छ। इरान समर्थित आतङ्कवादी समूह लेबनानी हेजबुल्लाहले सन् २०२३ अक्टोबरमा हमासले गरेको आतंकवादी आक्रमणको भोलिपल्ट इजरायलमा रकेट प्रहार गर्न थालेको हो , अमेरिकी रक्षा सचिव लोयड जे अस्टिनले भने ।