बाँकेमा फैंलिदै दादुरा, निवारण लक्ष्यमा धक्का

लुम्बिनी प्रदेशको बाँकेमा दादुरा 'आउटब्रेक' भएसँगै सन् २०२३ सम्म दादुरा निवारण गर्ने सरकारको लक्ष्यमा धक्का लागेको छ।

बाँकेको नेपालगञ्ज उपमहानगरपालिकामा पुस १२ गते पाँच जनामा दादुरा संक्रमण भेटिएको थियो। अहिले त्यो संख्या बढेर ७८ पुगेको छ। संक्रमणबाट एक जनाको मृत्यु भएको छ। दादुराको प्रकोप बढ्दै गएपछि त्यहाँ विश्व स्वास्थ्य संगठन‚ यूनिसेफ लगायतका संस्थासँग सहकार्य गरेर दादुरा-रुबेला विरुद्धको खोप वितरण गरिएको छ।