नेपाललाई भारतको ४७ करोड अनुदान, १२ सामुदायिक विकाससम्बन्धित योजनाका लागि हस्ताक्षर

काठमाडौँ । भारत सरकारको अनुदान सहायताअन्तर्गत नेपालका शिक्षा, स्वास्थ्य, कृषि, खानेपानी र संस्कृति क्षेत्रमा कार्यान्वयन हुने १२ वटा उच्च प्रभाव सामुदायिक विकास परियोजनाका समझदारीपत्रमा हस्ताक्षर भएका छन् ।

भारत सरकारको कुल अनुमानित लागत ४७ दशमलव ४ करोड अनुदान सहायताअन्तर्गत निर्माण हुने उक्त परियोजनालाई अघि बढाउन भारतीय राजदूतावास, काठमाडौँ, नेपाल सरकार संघीय मामिला तथा सामान्य प्रशासन मन्त्रालय र नेपाल सरकारका परियोजना कार्यान्वयन निकायहरूबीच शुक्रबार समझदारीपत्रमा हस्ताक्षर सम्पन्न भएको हो ।