प्रधानमन्त्रीद्वारा अन्तर्राष्ट्रिय समुदायको सहयोग र समर्थनको खोजी

काठमाडौं । चीनको हाङजाओबाट राजधानी बेइजिङ पुग्नुभएका प्रधानमन्त्री पुष्पकमल दाहाल ‘प्रचण्ड’ ले चीनमा अन्तर्राष्ट्रिय समुदायको सहयोग र समर्थन खोज्नुभएको छ । उहाँले नेपालको शान्ति प्रक्रियालाई टुंगोमा पु¥याउन एकपटक फेरि अन्तर्राष्ट्रिय समुदायको सहयोग समर्थन आवश्यक रहेको बताउँदै अन्तर्राष्ट्रिय समुदायको सहयोग खोज्नुभएको हो ।

हाङजाओबाट आइतबार बेइजिङ पुग्नुभएका प्रधानमन्त्री प्रचण्डले उहाँको स्वागतमा नेपाली दूतावासले आयोजना गरेको कार्यक्रमलाई सम्बोधन गर्दै भन्नुभयो– ‘शान्ति प्रक्रिया शुरू गर्दा पनि अन्तर्राष्ट्रिय समुदायको समर्थन थियो । अब सत्य निरूपण र बेपत्तासँग सम्बन्धित केही कुरा मात्र बाँकी छ, त्यसमा पनि अन्तर्राष्ट्रिय समुदायको सहयोग र समर्थन चाहिन्छ ।’ उहाँले यो विषयलाई आफूले संयुक्त राष्ट्रसंघको महासभामा पनि उठाएको जानकारी दिँदै नेपालको शान्ति प्रक्रिया मौलिक रहेको र यसलाई विश्वमा उदाहरणीय बनाउनुपर्ने बताउनुभयो ।