बागमती र सुनकोशीसहित सात नदीले जलसतह पार गरे, बाढीको उच्च जोखिम

काठमाडौँ । शुक्रबार बिहानदेखिको अविरल वर्षाका कारण बागमती, अरुण, दुधकोशी र सुनकोशीसहित सात नदीहरुले जलसतह पार गरेका छन् ।

बागमती र सुनकोशी नदी खतराको स्तरभन्दा माथिबाट बगिरहेका छन् भने पानी बढ्नेक्रम रोकिएको छैन । शनिबार राति साढे १२ बजे सूचना जारी गर्दै बाढी पूर्वानुमान महाशाखाले मुख्य यी सात नदी र यी नदीका सहायक नदीहरूमा पानीले जलसतह पार गरेको र बाढीको उच्च जोखिममा रहेको भन्दै सतर्कता अपनाउन आग्रह गरेको छ ।