जयसूर्या टोलीबाट अलग भए

लन्डन, (एजेन्सी)

सनथ जयसूर्याले श्रीलंकाली पुरुष राष्ट्रिय क्रिकेट टोलीको मुख्यप्रशिक्षक पदबाट अलग हुने निर्णय गरेका छन् । जारी टी–२० विश्वकपमा आयोजक भए पनि श्रीलंकाले सेमिफाइनलको यात्रा गर्न नसकेपछि पूर्व कप्तान जयसूर्याले पदबाट अलग हुने बताए । तर, ५६ वर्षीय जयसूर्याले विश्वकप नै आफ्नो अन्तिम जिम्मेवारी हुने योजना धेरै अघिदेखि बनाएको खुलासा गरेका थिए । उनले विश्वकपमा राम्रो नतिजासहित विदाई हुने सोच बनाएकोे तर, चाहेजस्तो नतिजा नआएकोमा दुःखी भएको बताए ।