आमचुनावको झल्को दिने उपकुलपति नियुक्ति

नेपालको खासगरी त्रिभुवन विश्वविद्यालयमा उपकुलपति नियुक्ति हरेक चार वर्षमा दोहोरिने आमचुनाव जस्तै बनेको छ । अझ भनौं लिगलिग कोटको राजा बन्ने दौड प्रतियोगिता झल्काउने खालको दौड पर्व नै बनेको छ ।

२०४६ सालमा प्रजातन्त्र पुनःस्थापनासँगै जब राजनीतिक दललाई राज्यशक्ति हात लाग्यो, शक्ति बाँडफाँट राम्रैसँग फस्टायो । विस्तारै शिक्षा निकै प्रभावित मध्ये एक क्षेत्र बन्यो ।