नेपाललाई ५ वर्ष अस्थिर हुनबाट रोकौँ: प्रकाश सपुत

काठमाडौँ । गायक प्रकाश सपुतले मुलुकको अस्थिर राजनीतिलाई निकास दिन र आलोपालो कुर्सीको खेल अन्त्य गर्न नागरिकहरूलाई आह्वान गरेका छन् । राष्ट्रिय स्वतन्त्र पार्टी (रास्वपा) को समानुपातिक बन्दसूचीमा रहेका सपुतले सामाजिक सञ्जालमार्फत ५ वर्षका लागि देशलाई अस्थिर हुनबाट जोगाउन अपिल गरेका हुन् ।

सपुतले सोमबार मौन अवधि सुरु हुनु अघि सामाजिक सञ्जाल फेसबुकमा लेखेका छन्, ‘कम्तिमा नेपाललाई ५ वर्षका लागि अस्थिर हुनबाट रोकौँ । आलोपालो कुर्सीको खेल बन्द गरौँ । यसका लागि आफ्नो क्षेत्रको उम्मेदवारलाई मात्रै होइन, समग्र देशको आवश्यकतालाई हेरेर मतदान गर्नुहोस् ।’ उनले नागरिकको एक भोटले स्पष्ट बहुमतसहितको स्थायी सरकार निर्माण गर्न निर्णायक भूमिका खेल्ने विश्वास व्यक्त गरेका छन् ।