हुलास फिनसर्भको नाफामा ८४.४५ प्रतिशत वृद्धि

काठमाडौं । हुलास फिनसर्भ हायर पर्चेज लिमिटेड (एचएफएल) ले आर्थिक वर्ष २०८२/०८३ मा उल्लेखनीय वित्तीय प्रगति हासिल गरेको जनाएको छ । कम्पनीले यस अवधिमा ३९ करोड ८७ लाख २० हजार खुद नाफा आर्जन गरेको छ, जुन अघिल्लो आर्थिक वर्षको सोही अवधिको २१ करोड ६१ लाख ७० हजारको तुलनामा ८४.४५ प्रतिशतले बढी रहेको कम्पनीले जारी गरेको विज्ञप्तिमा उल्लेख छ ।

आर्थिक वर्षभर कम्पनीको कर्जा लगानी पनि उल्लेखनीयरुपमा विस्तार भएको छ । कम्पनीको कुल कर्जा पोर्टफोलियो ५२.२५ प्रतिशतले वृद्धि भई १२ अर्ब २२ करोड पुगेको बताइएको छ, जसमा विशेष गरी सवारी साधन वित्तीयकरण (अटोमोबाइल फाइनान्सिङ) को महत्वपूर्ण योगदान रहेको कम्पनीले जनाएको छ ।