लोहनीलाई हराउँदै राप्रपाको समानुपातिक सूचीको पहिलो नम्बरमा राणा

काठमाडौँ — राष्ट्रिय प्रजातन्त्र पार्टी(राप्रपा) को समानुपातिक सूचीको पहिलो नम्बरको उम्मेदवार पशुपति शमशेर राणा हुने भएका छन् । राप्रपाको सोमबार बसेको केन्द्रीय कार्य सम्पादन समितिमा भएको गोप्य मतदानमा प्रकाशचन्द्र लोहनीलाई पछि पार्दै खास-आर्य समूहको पहिलो नम्बरमा पर्न राणा सफल भएका हुन् ।

कार्यसम्पादन समितिको बैठकमा राणाको पक्षमा ११ मत खसेको थियो भने लोहनीले ९ मत प्राप्त गरेका थिए । 'समानुपातिक सूचीको पहिलो नम्बरमा को रहने भन्ने विषयमा सोमबार चार पटक बैठक बसेको थियो । ‘त्यसमा सहमति जुट्न नसकेपछि गोप्य मतदानबाट छिनोफानो गरिएको हो‚' राप्रपाका एक नेताले भने, 'राणाले ११ र लोहनीले ९ मत प्राप्त गर्नुभयो ।'