रक्सी पिएपछि शरीरभित्र कहाँ–कहाँ पुग्छ ? के–के हुन्छ ?

धेरै मानिसलाई लाग्छ, रक्सी पिएपछि त्यो पेटमा पुग्छ र केही समयपछि पिसाबबाट बाहिर निस्कन्छ । तर वास्तविकता त्यति सरल छैन । रक्सी शरीरभित्र प्रवेश गरेपछि यसले पेटमा मात्र होइन, कलेजो, मस्तिष्क, स्नायु प्रणाली र शरीरका अन्य महत्वपूर्ण अंगमा समेत प्रभाव पार्न थाल्छ । सुरुमा सामान्य देखिने रक्सी सेवनको बानी लामो समयपछि गम्भीर स्वास्थ्य समस्याको कारण बन्न सक्छ।

कतिपय मानिस आफूले थोरै मात्र रक्सी सेवन गर्ने भएकाले यसले खासै असर नगर्ने विश्वास गर्छन् । तर चिकित्सकहरूका अनुसार रक्सीको असर कति हुन्छ भन्ने कुरा यसको मात्रा, सेवन गर्ने अवधि र व्यक्तिको शरीरको अवस्थाले निर्धारण गर्छ ।