सहुलियतपूर्ण कृषि कर्जामा गोल्यानको रजगज

भद्रपुर । साना किसानलाई व्यावसायिक बनाउँदै उत्पादन वृद्धि गर्ने उद्देश्यले सरकारले ल्याएको सहुलियतपूर्ण कृषि कर्जामा ठूला उद्योगी व्यवसायीले रजगज चलाएका छन् । वास्तविक र साना किसानले बैंकबाट सहुलियतपूर्ण कृषि कर्जा पाउन गाह्रो छ । तर, ठूला व्यापारी र बैंक सञ्चालकहरू भने आफैंले सहुलियत कर्जा सुविधा लिएर राज्यलाई गुमराहमा पारेका छन् ।

किसानका नाममा सहुलियतपूर्ण कृषि कर्जा लिने व्यावसायिक समूहमा गोल्यान समूह सबैभन्दा अगाडि रहेको छ । बैंक, बिमा, होटल, जलविद्युत्, धागोलगायतका उद्योगमा लगानी रहेको गोल्यान समूहले व्यावसायिक कृषिका नाममा करोडौं रुपियाँको सहुलियतपूर्ण कृषि कर्जा लिएर वास्तविक कृषकको भाग खोस्ने काम गरेको छ ।