महिलाको सम्मानमा इसेवाको ‘श्रावण र शृङ्गार’ कार्यक्रम

काठमाडौं । नेपालको अग्रणी डिजिटल भुक्तानी सेवा प्रदायक इसेवाले आफ्नो व्यावसायिक पहिचानलाई सांस्कृतिक र सामाजिक उत्तरदायित्वसँग जोड्दै महिलाहरूको सम्मानमा विशेष कार्यक्रम सम्पन्न गरेको छ ।

साउन महिना र नजिकिँदै गरेको तीजको सन्दर्भ पारेर इसेवाले ललितपुरको पुल्चोकस्थित लबिम मलमा ‘श्रावण र शृङ्गार’ कार्यक्रम आयोजना गरेको हो । गत साउन २३ र २४ गते सञ्चालित यस उत्सवले विभिन्न क्षेत्र र पृष्ठभूमिका महिलाहरूलाई एकै ठाउँमा भेला गराई उल्लासमय वातावरण सिर्जना गरेको थियो ।