अरुण चौधरीलाई दुई दिनभित्र ‘हाजिर जमानी’मा छाड्न न्यायाधीशले टेकेका ‘आधार’

काठमाडौँ । बाँसबारीको १० रोपनी जग्गा निजीकरण गरेको आरोपमा पक्राउ परेका व्यवसायी अरुण चौधरीसहित ३ जनालाई अदालतले २ दिनमा छाड्न आदेश गरेको छ । तत्कालीन च्याम्पियन फुटवेयर प्रालिका सञ्चालक अरुणकुमार चौधरी, बाँसबारी छालाजुत्ता कारखानाका लिमिटेडका तत्कालीन अध्यक्ष अजितनारायण सिंह थापा र सीजी चाँदाबाग रेसिडेन्सी प्रालिका अध्यक्ष सञ्जय ठाकुर माघ १८ मा पक्राउ परेका हुन् ।

प्रहरीको केन्द्रीय अनुसन्धान ब्युरोले अनुसन्धान गरिरहेको बाँसबारी प्रकरणका आरोपीहरुलाई २५ दिनसम्म नै हिरासतमा राख्नुपर्ने अवस्था नदेखिएको अदालतको ठहर छ । काठमाडौँ जिल्ला अदालतका न्यायाधीश यज्ञप्रसाद आचार्यले आरोपीतहरुलाई रिहा गर्न ५ वटा आधार आफ्नो आदेशमा उल्लेख गरेका छन् ।