विदेशमा सिकेको सीप स्वदेशमा उपयोग गरौँ : उपाध्यक्ष भुसाल

मस्कट । नेकपा माओवादी केन्द्रका केन्द्रीय उपाध्यक्ष एवम् पश्चिम एसिया प्रदेशका इन्चार्ज पम्फा भुसालले विदेशमा सिकेका सीप स्वदेशमा उपयोग गर्न आग्रह गरेकी छन् । ओमनको राजधानी मस्कटमा सम्पन्न नेपाली जन प्रगतिशील मञ्च ओमनको तेस्रो अधिवेशनलाई सम्बोधन गर्दै उपाध्यक्ष भुसालले देश समृद्ध बनाउन युवाहरूको खाँचो रहेको औँल्याउँदै विदेशमा रहेका नेपालीलाई स्वदेश फर्कन आग्रह गरिन् ।

‘हाम्रा खेतबारी बाँझो छन् । नेपालको प्राकृतिक स्रोत साधन सदुपयोग गर्न सकिएन । समृद्ध नेपाल बनाउन तपाईँहरूको खाँचो छ’ भुसालले भनिन्, ‘रेमिट्यान्सले मात्रै कुनै पनि देशको उन्नति र विकास हुँदैन । देश बनाउन विदेशमा सिकेको सीप स्वदेशमै उपयोग गर्नुपर्छ ।’