७ वर्ष अलपत्र मर्स्याङ्दी करिडोर प्रसारण लाइन निजी क्षेत्रले डेढ वर्षमै बनायो

१६ असार, काठमाडौं । नेपालको ऊर्जा क्षेत्रमा निजी क्षेत्रले पहिलो पटक प्रसारण पूर्वाधार निर्माण सम्पन्न गरेको छ । करिब सात वर्षसम्म अलपत्र परेको मर्स्याङ्दी करिडोर अन्तर्गत २२० केभी मार्कीचोक–भरतपुर प्रसारण लाइनको २८ किलोमिटर खण्ड निजी क्षेत्रले डेढ वर्षभित्रै सम्पन्न गरी सञ्चालनमा ल्याएको हो ।

अब निजी क्षेत्रले जलविद्युत् उत्पादनमा मात्र होइन, प्रसारण लाइन निर्माण तथा भविष्यमा विद्युत् व्यापारसमेत गर्न सक्ने क्षमता रहेको सन्देश दिएको छ ।