‘गुराँस फुल्दा’ गीतको रि-क्रिएसनबारे दीपकराज गिरीले के भने ?

चलचित्र ‘मास्टर्नी’ को गीत ‘गुराँस फुल्दा’ सार्वजनिक भएको छ। २५ वर्ष अगाडि सार्वजनिक भएको गीत ‘गुराँस फुल्दा’मा भुवन केसी र सुस्मिता केसीको मुख्य भूमिका थियो। मास्टर्नीमा भने यसलाई पुनःसिर्जना गरिएको छ।

यस अगाडि ‘मास्टर्नी’ को प्रमोशनल गीत ‘म्याथ सिक्ने भए’ सार्वजनिक भएसँगै विवादमा तानिएको थियो। गुराँस फुल्दा गीत भने ‘मास्टर्नी’ को दोस्रो गीत हो। अभिनेता तथा निर्देशक दीपकराज गिरीले प्रियांकालाई सामाजिक सञ्जालमार्फत शुभकामना दिँदै लेखे, ‘यो हो नि तरिका। तिमीलाई यस्तै सुहाउँछ! धेरै राम्रो छ शुभकामना प्रियंका, वर्षा लगायत सबैलाई।’