दस वर्षदेखि अधुरै पुल बाढीले भासियो

झापा — निर्माण कार्य सुरु भएको झण्डै १० वर्ष बित्दा पनि पूर्ण रूपमा निर्माण सम्पन्न नभएको हुलाकी सडकअन्तर्गत सानो माईखोलाको पुल भासिएको छ ।

गत शनिबार रातिको अविरल वर्षापछि खोलामा बाढी आउँदा पुल भासिएको हो । पुलको बीच भागको पिलर भासिएको छ भने पूर्वतर्फको किनारमा समेत खोलाले कटान गरेको छ । अहिले मोटरसाइकल, साइकल तथा स्थानीय नागरिक ओहोरदोहोर गर्न मिले पनि अन्य सवारी साधन पुल तरेर जान सक्ने अवस्था छैन ।