सामाजिक सञ्जालमा मानहानि तथा गाली-बेइज्जती गर्दै हुनुहुन्छ ? सावधान!

काठमाडौं- सरकारले सामाजिक सञ्जाललगायत कुनै पनि माध्यमबाट व्यक्तिको प्रतिष्ठा, चरित्र वा ख्यातिमा आँच पुर्‍याउने गरी सामग्री वा प्रचारप्रसार गरे कानुनी कारबाही हुन सक्ने स्पष्ट पारेको छ ।

कानून, न्याय तथा संसदीय मामिला मन्त्रालयले ‘आफ्नो कानुनबारे जान्नुहोस्’ अभियानअन्तर्गत गाली, बेइज्जती तथा मानहानिसम्बन्धी कानुनी व्यवस्थाबारे सर्वसाधारणलाई सचेत गराउँदै यस्तो जानकारी सार्वजनिक गरेको हो ।