सामाजिक सञ्जालमा ‘जे पायो त्यही’ लेख्नेलाई कानूनको चेतावनी, मानहानि गरे सजाय हुने

सामाजिक सञ्जालमा कसैको प्रतिष्ठामा आँच पुग्ने गरी आधारहीन आरोप वा अपमानजनक सामग्री सार्वजनिक गर्ने प्रवृत्ति बढिरहेका बेला सरकारले कानूनी कारबाही हुन सक्ने चेतावनी दिएको छ।

कानून, न्याय तथा संसदीय मामिला मन्त्रालयले ‘आफ्नो कानुनबारे जान्नुहोस्’ अभियानअन्तर्गत गाली तथा बेइज्जतीसम्बन्धी कानूनी व्यवस्थाबारे सर्वसाधारणलाई सचेत गराएको हो।