विश्वका महासागर जुलाईमा अहिलेसम्मकै सबैभन्दा तातो, जलवायु संकटको अर्को संकेत

काठमाडौं- विश्वका महासागरले गत जुलाईमा अहिलेसम्मकै उच्च तापक्रम रेकर्ड गरेका छन्। प्रशान्त महासागरमा विकसित भइरहेको एल निनोको प्रभावसँगै बढ्दो विश्वव्यापी तापक्रमले समुद्रको तापक्रम बढाउन भूमिका खेलेको युरोपेली सङ्घको जलवायु निगरानी सेवाले जनाएको छ।

ध्रुवीय क्षेत्रबाहेक ६० डिग्री उत्तरदेखि ६० डिग्री दक्षिण अक्षांशसम्मको समुद्री सतहको औसत तापक्रम जुलाईमा २०.९६ डिग्री सेल्सियस पुगेको थियो। यसअघि सन् २०२३ मा २०.८९ डिग्री सेल्सियसको उच्चतम तापक्रम रेकर्ड भएको थियो।