नेपालमै बनेको भोटिङ मसिनले १२ वर्षपछि बल्ल पायो पेटेन्ट दर्ताको प्रमाणपत्र

काठमाडौं । नेपालमा विगत १३ वर्षदेखि अनुसन्धान र विकास (R&D) भइरहेको स्वदेशी विद्युतीय मतदान उपकरण (इलेक्ट्रोनिक भोटिङ मसिन) ले आधिकारिक रूपमा पेटेन्ट अधिकार प्राप्त गरेको छ । नुवाकोटका दुई आविष्कारक दाजुभाइले तयार पारेको यो प्रविधिलाई नेपाल सरकार, उद्योग विभागले पेटेन्ट दर्ताको प्रमाणपत्र प्रदान गरेको हो ।

नुवाकोट जिल्लाको बेलकोटगढी नगरपालिका वडा नं. १२ निवासी रामप्रसाद रिमाल र लक्ष्मणप्रसाद रिमालले आविष्कार गरेको क्यान्डिडेट आईडी बेस्ड इलेक्ट्रोनिक भोटिङ मसिन (Candidate ID Based Electronic Voting Machine) लाई विभागले कानुनी रूपमा सुरक्षा दिएको छ । उद्योग विभागको औद्योगिक सम्पत्ति शाखाले पेटेन्ट, डिजाइन र ट्रेडमार्क ऐन २०२२ को दफा ७ बमोजिम गत १४ जुलाई २०२६ मा यो दर्ता प्रमाणपत्र जारी गरेको हो । यसबारेको विस्तृत विवरण नेपाल राजपत्रमा समेत प्रकाशित भइसकेको छ ।