माग पूरा नभए पुनः सत्याग्रह थाल्ने डा. गोविन्द केसीको चेतावनी

चिकित्सा शिक्षा र स्वास्थ्य क्षेत्रको सुधारका लागि निरन्तर आन्दोलन गर्दै आएका वरिष्ठ चिकित्सक प्रा. डा. गोविन्द केसीले आफ्ना मागहरू तत्काल सम्बोधन नभए कडा आन्दोलन र सत्याग्रह पुनः सुरू गर्ने चेतावनी दिएका छन्।

गत साउन ११ गते सरकारसँग भएको सहमति कार्यान्वयन नभएको र स्वार्थको द्वन्द्व भएका व्यक्तिहरूलाई निरन्तरता दिइएको भन्दै उनले कडा आपत्ति जनाएका हुन्।