राष्ट्रपतिमा माओवादी सहकार्य ‘स्वार्थ मिल्ने’सँग

महराले भने, ‘उसले (एमाले) भन्ने कुरो छुट्टै हो। राजनीतिक परिस्थिति बदलिएको छ। हाम्रो स्वार्थ जोसँग मिल्छ उसैलाई सघाउँछौं। हाम्रो स्वार्थसँग मिल्यो भने एमालेलाई पनि सघाउन सक्छौं।’

काठमाडौं : राष्ट्रपति निर्वाचनमा कसको पक्षमा लाग्ने भन्ने विषयमा सोमबार माओवादी केन्द्रले ‘केही’ निर्णय गर्ला भन्ने अपेक्षा देखिन्थ्यो। तर, गरेन। बरु यसबारे निर्णय गर्ने अधिकार पदाधिकारी बैठकले अध्यक्ष एवं प्रधानमन्त्री पुष्पकमल दाहाललाई दिएको छ।