भारतले सजिलै हरायो पाकिस्तानलाई

काठमाडौँ । वर्षाका कारण पटक—पटक रोकिएको एसिया कप क्रिकेटको ‘सुपर फोर’ चरणको खेलमा अन्ततः भारतले पाकिस्तानलाई दुई सय २८ रनले पराजित गरेको छ । वर्षाका कारण दुई दिनसम्म लम्बिएको उक्त खेलबाट दुई अंक बटुल्दै भारतले फाइनल प्रवेशको सम्भावना पनि बलियो बनाएको छ ।

आइतबार पाकिस्तानले टस जिती पहिलो बलिङको निणर्य लिएको थियो । भारतले २४.१ ओभरमा दुई विकेट गुमाएर एक सय ४७ रन बनाएपछि वर्षा सुरु भएको थियो । लामो समय वर्षा नरोकिएपछि उक्त खेल सोमबारका लागि सारिएको थियो ।