घुस प्रकरणमा चुलाचुलीका इन्जिनियर र लेखा अधिकृतविरुद्ध मुद्दा

काठमाडौं : घुस लिएको अभियोगमा पक्राउ परेका इलामको चुलाचुली गाउँपालिकाका इन्जिनियर र लेखा अधिकृतविरुद्ध विशेष अदालतमा मुद्दा दायर भएको छ।

पुलको रि-डिजाइन स्वीकृत गर्न र ठेक्काको भुक्तानी प्रक्रियामा सहजीकरण गरिदिने भनी सेवाग्राहीसँग घुस लिएको देखिएपछि इन्जिनियर (छैटौँ तह) डिल्ली राज खड्का र लेखा अधिकृत (आठौँ तह) मिलन कुमार भट्टराईविरुद्ध अख्तियार दुरुपयोग अनुसन्धान आयोगले मंगलबार मुद्दा दायर गरेको हो।