युवाको सहकार्यबाट राज्यको भविष्य निर्माण गर्नुपर्छ : बुर्लाकोटी

राष्ट्रिय स्वतन्त्र पार्टी (रास्वपा) संसदीय दलका मुख्य सचेतक कवीन्द्र बुर्लाकोटी युवाको सहकार्यमा राज्यको भविष्य निर्माण गर्नुपर्ने धारणा राखेका छन्।

मंगलबार प्रतिनिधि सभाको विशेष समयमा बोल्दै उनले अन्तर्राष्ट्रिय युवा दिवसको विषयमा विचार राखेका थिए। यसै सन्दर्भमा उनले जेनजी आन्दोलनको पृष्ठभूमि युवा भएको स्मरण गर्दै नेपालको बदलिदो भविष्यका लागि युवा अपरिहार्य रहेको बताए।