३ जना फरार कैदी धादिङबाट पक्राउ

जेलबाट भागेका ३ जना कैदीबन्दीलाई प्रहरीले धादिङबाट पक्राउ गरेको छ । दार्चुला, भिमफेदी र सिन्धुली कारागारबाट भागेका कैदीबन्दीलाई पक्राउ गरिएको धादिङका एसपी भेषराज रिजालले रातोपाटीलाई बताए ।

पक्राउ पर्नेमा धादिङको त्रिपुरासन्दरी गाउँपालिका–७ घर भएका ३६ वर्षीय केशव थापामगर, गल्छी–५ घर भएका ३८ वर्षीय राजकुमार तामाङ र धुनिवेशी–८ घर भएका २७ वर्षीय विश्व मिजार छन् ।