क्षणिक आक्रोशका भरमा हुने महाभियोगका नाममा मजाक, सांसदले जे पनि गर्न पाउने ?

चोलेन्द्र शम्शेर जबराविरुद्धको महाअभियोग प्रस्तावले शक्तिको दुरुपयोग कसरी भइरहेको छ भन्ने प्रश्न गम्भीर रुपमा उठाएको छ । क्षणिक आक्रोशका भरमा हुने यस्ता कार्यले राज्यका अंगहरुबीचको वैमनस्यता बढाउने र कमजोर बनाउने कामसमेत भइरहेको छ ।

२०७४ वैशाखमा सत्तारुढ दल नेपाली कांग्रेस र नेकपा माओवादी केन्द्रका २ सय ५९ सांसदले तत्कालीन प्रधानन्यायाधीश शुशीला कार्कीविरुद्ध महाअभियोग प्रस्ताव दर्ता गराए । उनीहरुले डिआईजी नवराज सिलवालले पेश गरेको नक्कली प्रमाणलाई आधार मानेर फैसला गरेको आरोप लगाएका थिए ।