लगातार दोस्रो जितको खोजीमा नेपाल, आज ओमानसँग भिड्दै

काठमाडौं – आइसिसी क्रिकेट विश्वकप लिग–२ अन्तर्गत नेपालले आज घरेलु टोली ओमानसँग प्रतिस्पर्धा गर्दैछ । मस्कटस्थित अलअमरात क्रिकेट मैदानमा हुने खेल नेपाली समयअनुसार बिहान ११ः१५ बजे सुरु हुनेछ ।

जारी शृङ्खलामा नेपाल र ओमान दुवै लगातार दोस्रो जित निकाल्ने लक्ष्यमा छन् । नेपालले पहिलो खेलमा क्यानडालाई २४ रनले पराजित गरेको थियो । यस्तै, ओमानले पनि क्यानडाविरुद्ध ४१ रनको जित दर्ता गरेको थियो ।