प्रेस काउन्सिलका अध्यक्ष उमेशले छाेडे माइसंसारकाे सम्पादकीय नेतृत्व, लेखे भावुक स्टाटस

काठमाडौं। प्रेस काउन्सिल नेपालका अध्यक्ष उमेश श्रेष्ठले २२ वर्षदेखि जोडिएको ब्लग ‘माइसंसार’को सम्पादकीय जिम्मेवारी छाडेका छन्।

उनले ब्लगको सम्पादकीय नेतृत्व सुशील कार्कीलाई सुम्पिँदै आफू जिम्मेवारीबाट अलग भएको घोषणा गरेका हुन्। श्रेष्ठले सामाजिक सञ्जालमा भावुक स्टाटस लेख्दै माइसंसार बन्द हुन नलागेको, बरु नयाँ सम्पादकीय नेतृत्वमा यात्रा अघि बढ्ने स्पष्ट पारेका छन्। प्रेस काउन्सिलको जिम्मेवारीमा रहुन्जेल माइसंसारको सम्पादकीय भूमिकाबाट पूर्ण रूपमा अलग रहने उनको भनाइ छ।